jæja....

ég segi bara jæja......held það sé ekkert annað að segja.  Hvurslags bananalýðveldi búum við í?

Ingibjörg Sólrún kom boðum til Sigurbjargar

Formlega sem óformlega...

...eru jólin búin hjá mér.  Pakkaði öllu jólaskrauti niður á föstudagskveldið,- aðventukassi,- skrautkassi og jólatréskassi.  Það kæmi mér reyndar samt ekki á óvart þó ég ætti eftir að detta um jólastyttu e-hversstaðar.  Dóttir mín var svo afskaplega duglega að skreyta allt húsið að ég fann meira að segja eina styttu inn í þvottahúsi ;)   (auðvitað eiga jólin að vera allsstaðar).  Hún var reyndar alveg gapandi á föstudagsmorguninn þegar hún heyrði fréttir kl. 7:30 og það voru fréttir frá Betlemhem.  Er Betlehem til í alvöru ?  En þeir heppnir sem eiga heima þar ? ( sér hvur er nú heppnin) Síðan spurði hún, afhverju drepa þeir börn,- eða annað fólk?  Vill forsetinn í Ísrael þetta ?  Það er nú ekki alveg það auðveldasta sem kona gerir að skýra út grimmd heimsins í morgunsárið.....er gerði mitt besta !! Sem var örugglega ekki nógu gott,- ég skil það nefnilega ekki heldur !!

Snjór og meiri snjór

Það var marautt þegar ég fór í draumaheima í gærkveldi.  Núna svigna greinar trjánna undan snjó og þykkt hvítt teppi er yfir öllu.  Algjört æði......hljótum að taka stefnuna á snjókerlingagerð í dag ;)

Veður fer versnandi á Norðurlandi

viðsnúningurinn....

...eftir jólafríið gengur ekki alveg nógu vel.  Fer þó alltaf snemma á fætur,- en sama hvort ég dotta eða ekki seinnipartinn ( yfir Kastljósinu) þá fer ég seint í ból og velti mér þar og bylti í óratíma áður en ég sofna.  Vakna síðan litlu hvíldari ;(  Vonandi fer þetta nú að ganga yfir.....og veruleikinn verður samur á ný.

geisp....

Ég sofnaði nú bara yfir malinu í manninum.  Tilbrigðalítil, eintóna rödd sem sagði afsakplega mikið það sama....fjármagnseigenda, vaxtalínu, milljarðar, misskilningur, útþenslu........geisp

Hef mér og Bjarna samt til afsökunar að ég vaknaði snemma í morgun eftir stuttan svefn !

Endurgreiddi 370 milljónir

Mjög gaman

Enda var mjög gaman í fjallinu,- færið þó frekar erfitt og Kolfreyja fór nokkrum sinnum á hausinn.  Ég, Lúkas og Ægir vinur hans héldumst þó upprétt ;)  En þrátt fyrir færið þá var veðrið yndislegt,- og það er þvílík slökun og æði að fara nokkrar ferðir í fjallinu. Mér finnst reyndar bæði slökun í því að skíða og að sitja í stólalyftunni og horfa upp í himininn.

Skíðað á Akureyri og í Skagafirði

2008

Þrátt fyrir kreppu.....þrátt fyrir jarðskjálfta...þrátt fyrir ísbjarnarblús.....þrátt fyrir survævor í Noregi....þrátt fyrir Danmerkur/Póllandsferð.....þrátt fyrir frábæra útilegu í Fjörður....þrátt fyrir dásamlegt dingl í Hafnarfirði....þrátt fyrir allt !!

þá verður mér árið 2008 alltaf minnistæðast fyrir það að í apríl það ár dó hún mamma mín, Þórhildur,- og í maí það ár fæddist hún sonardóttir mín,Þórhildur Lotta. 

Dósin

Skelltum okkur á Dósina í dag. Altsvo ekki bjórdósina eða makkintosdósina heldur á Blönduós,- sem er í slangri þar innfæddra kallaður Dósin ( því Blönduós er ansi oft borið fram Blön´dós).Tengdó voru með þvílíku jólaveisluna að unun var. Graflax, peruterta,súkkulaðiterta, brauðterta a´la Imma amma ( skonsur með rækjusalati og hangiketi )o.fl. o.fl. Hittum náttúrulega hele familien,- tvo bræður Boga þá Kalla og Jón Inga og Sylvíu systur Boga, Helgu mágkonu og Tótu litlu frænku.Og auðvitað elsku bestu Immu ömmu. Tengdaforeldrar mínir áttu fjörutíu ára brúðkaupsafmæli í dag. Rúbin,- takk fyrir. Við Sylvía mágkona erum að leita að 40 kílóa rúbínstein,- látið vita ef þið hafið svoleiðis í fórum ykkar ;)

 

tíhí

Það er sko ekki opið lengur.  Við familían geystumst á skíði um hádegið, renndum okkur nokkrar ferðir,- og síðan byrjaði að blása......og blása.  Fyrst var stólalyftunni lokað svo við skíðuðum í Hólabrautinni, þar fór líka allt að blása og við upplifðum okkur sem algjörar hetjur að halda velli og fjúka bara ekki út í Hrísey.  En við kunnum svosem að standa keik þó á móti blási ;)

Að lokum var búið að loka Hólabraut og þá var ekki annað að gera en að fjúka niður í bíl og halda heim.  Innanbæjar er bara blankalogn ;)

Opið í Hlíðarfjalli

Jólakveðja

 

Gleðileg jól,

hug þínum friðsæla færi

fagnaðar ylgeislinn skæri.

Gleðileg jól