Hvað er jólaskraut?

Varð yfir mig glöð í morgun þegar ég sá auglýsingu frá Húsasmiðjunni/Blómaval ( Blómasmiðjan !!) um 20 % afslátt af ÖLLU jólaskrauti í dag.  Í gær uppgvötaði ég nefnilega að Ikeakransinn logaði bara á 1/4 og því var kjörið tækifæri að finna  nýtt jólaskraut í eldhúsgluggann.  Ég lagði að sjálfsögðu leið mína í Blómasmiðjuna og eftir mikið puð við að finna hið rétta skraut ( Það var sko puð því að gluggajólaskrautið hangir allt uppi á einum stað til sýnis en ekkert er vísað í hvaða hillu má finna skrautið) þá skeiðaði ég að afgreiðslu ( valdi geysifagra jólastjörnu) .  Þar var mér tjáð að afslátturinn gilti ekki fyrir stjörnuna því hún væri ljós og það hefði verið tekið fram í auglýsingunni að jólaljós væru ekki á afslætti. ALLT jólaskraut er semsagt ekki jólaljós !!  Ég vildi nú ekkert fara að rengja drenginn en mundi ómögulega eftir þessu og sagði í hálfkæringi að það hefði þá vísast verið mjög smátt letur.  Keypti því ekki neitt....þarna heldur fór í Hagkaup og fékk fína jólaljósakúlu á 30% afslætti ( þar telja þeir semsagt að jólaljós sé jólaskraut ;) .  Þegar ég kom heim þá fletti ég Fréttablaðinu aftur, fann auglýsinguna á bls 23 og sorrý,- ég finn bara ekki þetta um jólaljósin séu ekki jólaskraut !!  Það vantar alveg í mitt blað.  OK ég veit ég þarf lesgleraugu en ég brúkaði þau,- pússaði og alles.

Á morgun ætla ég að fara út í Húsasmiðju/ Blómaval með auglýsinguna og reikning fyrir bensíni og þeim tíma sem ég eyddi við að eltast við PLAT auglýsingu !!  og fer síðan aldrei aftur í þessa búð.

 

Að öðru leyti átti ég ljúfa helgi,- bakaði eins og berserkur í gær....kornflexkökur,Sörur og súkkulaðibitakökur.  Skreytti smá,- og tók til,- og síðan komu góðar stöllur mínar hingað og við settum á Sörurnar í gærkveldi, slúðruðum og sötruðum rautt.  Í dag var hin mesta leti í gangi,- bara smá konfektgerð og síðan semsagt klukkutímaeyðsla í helv....HúsaBlómasmiðjuvali.

Alveg elska ég Sommerþættina ;)

Finn ekki....

...aðventuljósið mitt. Ég er búin að snúa öllu við í geymslunni (  mæ ó mæ hvað okkur tekst að hafa mikið af dóti í þessari geymslu) og hef rekist á ýmislegt sem ég hélt að væri löngu komið á haugana. Hef fundið þrjá ( já, segi og skrifa ÞRJÁ) jólakassa, en í þeim eru bara jólakúlur, jólastyttur, englahár, jólagluggatjöld ( þau fara upp á sunnudag), jólakort, jólaljós.......en ekki aðventuljósin sem hún mamma mín gaf mér fyrir löngu síðan. Nú sit ég í bökunarilminum umvafin englahári og jólakúlum og snökta yfir aðventuljósaleysinu !!!

Frestar komu sinni ??

Er það hans að fresta komu sinni ?  Var viðskiptanefnd ekki að boða hann á sinn fund?  Hann gæti værntanlega forfallast,- verið veikur heima,- en mér finnst óforsvaranlegt ef að hann frestar komu sinni að eigin geðþótta eins og kóngur í ríki sínu ( sem hann því miður virðist vera...og hafa verið í 17 ár).

Davíð frestar komu sinni

46 milljónir

voru lagðar inn á reikning mannsins míns yfir áramótin 06-07.  Glitnir bakfærði millurnar síðan enda áttum við ekkert í þeim,- en enga skýringu fengum við !! 

Fékk 30 þúsund evrur inn á reikning

Frá tengdó

Fékk þessa flottu mynd á fésbókina frá tengdamömmu.  Ég minnist þess ekki að við Bogi höfum verið svona krakkaleg árið 1989 ;)

 

Kom mér á óvart....

...að það kæmi Geira á óvart hve margir voru á fundinum í Háskólabíó !!

Mitt mat...endurspeglar ekki alla þjóðina ( en ég hafði það huggulegt upp í sófa með popp og kók eins og ég væri að horfa á góða danska mynd) Flottur fundur, góðar framsögur, fín stemming.  Ingibjörg Sólrún ( sem hefur nú verið í miklu uppáhaldi hjá mér) var of hrokafull,- Össur galgopi, Árni pikkfrosinn, Geir vandræðalegur en Þorgerður Katrín ( sem hefur nú ekki verið í miklu uppáhaldi hjá mér) var flott og hreinskiptin. 

„Þetta er þjóðin“

Burt,burt....

...með alla þá sem sátu við stjórnvölinn þegar bankarnir voru svotil gefnir á sínum tíma.  Sérstaklega ráðfreyju bankamála þá !!  Mér finnst alveg með ólíkindum að þau öll hafi ekki sagt af sér um leið og hrunið var !!!

Nýtt blóð í pólitíkina takk !!

Valgerður óviss um formannsslag

Yndisleg...

...helgi að renna á enda.  Fór suður á land á fimmtudagskveld og kom heim um hádegi í dag.  Tilefni ferðar var að sækja heim Kjartan Þór og famelí í Hveragerði og vera í skírn Þórhildar Lottu.  Þetta tókst allt með mestu ágætum.  Dásamleg skírn í Kotstrandarkirkju,- nafna mín Lotta alveg eins og ljós á meðan skvett var á hana vatni og hún tekin í söfnuð Krists. Fín veisla í Kambahrauninu og bara gaman.  Slappaði síðan af með fjölskyldunni í Kambahrauninu þar til í morgun er ég hélt heim á leið !!

Myndir í albúminu Kjartan og co

 

 

 

 

 

 

 

 

 

 Þórhildur Lotta

Ég, börn, tengdadóttir og barnabörn

 

 

 

 

 

 

 

 

 

 

 

 

 

 

 

 

 

Ótrúlegt

þetta er nefnilega alveg ótrúlegt.  Ég upplifi það að ég búi í landi sem varla er hægt að kalla lýðræðisríki.  Mér finnst bankastjórn seðlabankans ráða hér lögum og lofum,- eða réttara sagt einn bankastjóri.  Og kemst upp með það...................

Líka svoldið einkennileg öll þessi umræða um Fjármálaeftirlitið og Seðlabankann,- eða jú,- auðvitað á að ræða ábyrgð þeirra,- en ..........hvurnig væri að ræða frekar um freklega íhlutun seðlabankastjóra,- sem á sér engin fordæmi.  Og auðvitað bankaráð útrásarbankanna og stjórnendur þeirra.  Þeirra er ábyrgðin fyrst og fremst.

Ef að ég get keypt mér rosa kraftmikinn bíl,- keyri eins og brjálæðingur,- fæ aðvörun og sektir frá löggunni en sinni því ekki,- eða þá að löggan nær mér ekki því hún getur jú ekki verið allsstaðar,- klessukeyri bílinn og eyðilegg aðra bíla og eignir.   Er það þá semsagt bílasalanum að kenna,- eða löggunni?    

Samfylkingin hefði allt eins getað slitið samstarfinu

var það fyrir jafnréttið ?

sem Guðni sagði af sér ?  Bjarni nýbúinn að stíga í burt fyrir konu,- þá fer Guðni út af þingi og kona kemur í hans stað á þing og kona tekur hans sæti í forystustól flokksins.  Ef svo fer fram sem heldur þá verður Framsókn aðal jafnréttisflokkurinn !!! 

Eygló tekur sæti á þingi