Að mörgu leyti ánægjulegt !!

Hefði þó viljað sjá róttækari breytingar á samræmdu prófunum.  Enn á að láta 9 og 13 ára börn sitja sveitt yfir samræmdu prófunum hvort sem þau eru kölluð könnunarpróf eður ei.  Gjörsamlega í mótsögn við allt það sem skólar og þjóðfélagið boðar um einstaklingsmiðað nám.  Og prófin í 10 bekk færð fram á haustið !!  Þetta er nú bara leikur að dagsetningum. 

Virkilega ánægjulegt að auka á veg starfsnáms og verknáms og að lagt sé til að stúdentspróf á bóknámsbrautum og verknámsbrautum verði jafngild.  Aldeilis kominn tími til.  Gaman að vita þó hvenær viðhorf þjóðarinnar breytist í þeim efnum ;)

Og lenging kennaranáms löngu löngu tímabær, en ??? hvort þessu  verði síðan frestað æ ofan í æ eins og gert hefur verið áður.

Fjögur ný frumvörp um skólakerfið kynnt

Heimsklassa restúrant ;)

Bóndinn var heima um helgina og við barnlaus, þar til í dag altsvo.  Okkur datt í hug að það gæti nú verið gaman að fara út að borða en svo langaði okkar bara til að vera heima og borða góðan mat þar.  Og malli minn,- þvílíkur matur.  Hér kemur uppskrif af hreindýri a´la Helga og Bogi. 

Hreindýrafile,- látið liggja í rauðvíni í hálfan dag og í lokin skelltum við dassi af teryaki sósu út á. 

Frúin bjó til salat,- klettasalat og veislusalat skellt saman, smátt skorinn rauðlaukur og slatti af fetaost.  Og síðan bjó frúin einnig til sætukartöflumús,- sætar kartöflur mauksoðnar,- stappaðar og smá engiferrót röspuð saman við.  Við þetta var bætt fljótandi hunangi og salti. Nammi, namm.

Bogi skar síðan file-ið í passlega bita, hitaði á pönnu olíu og teryaki sósu,- saltaði og pipraði kjötið og steikti síðan í örskamma stund.  Setti í pott slatta af mareneringunni, soðinu af pönnunni og bætti við worcestersósu og rjóma, lét sjóða.  Ummmm, besta sósa ever. 

Þetta var náttúrulega alveg guðdómleg máltíð !!!  Besti restúrant í heimi er heima hjá mér ;)

Forsetaembættið er í boði ???

Ég er alveg yfir mig bit.  Gjörsamlega yfir mig bit.  Sat í fyrramorgun með mínum ljúflings 9. bekkingjum og hlutstaði á ávarp forsetans um forvarnardaginn.  Missti eiginlega af ávarpinu öllu vegna upphafsins.  Var ég að hlusta á forseta Íslands?  Þið vitið,- Forsetinn með stóru Fi.  Þið vitið,- sameíningartákn þjóðarinnar.  Þið vitið,- æðsta embætti íslensku þjóðarinnar.

Í upphafi ávarpsins,- ( á það má hlusta á http://www.forvarnardagur.is/  og hafið í huga að það er verið að tala við 14 og 15 ára börn) þegar foresetinn hefur heilsað og óskað til hamingju  með daginn þá segir hann "lyfjafyrirtækið Actavis styrkir nú eins og í fyrra forvarnardaginn á afar myndarlegan hátt".  Já,- bitti nú,- er búið að selja forsetaembættið og það sem það stendur fyrir ?Erum við gjörsamlega og algjörlega gengin markaðshyggjunni á vald ?

Og svona í lokin á umræddu ávarpi og myndbandi í kjölfarið þá eru hin 14 og 15 ára börn enn og aftur vel minnt á að forvarnardagurinn sé styrktur af lyfjafyrirtækinu Actavis.  

p.s. það skal skýrt tekið fram að ég hef ekkert á móti umræddu fyrirtæki,- bryð pillur frá þeim í tíma og ótíma ;),- en mér finnst að ákveðin  embætti og ákveðnir hlutir í okkar þjóðfélagi eigi ekki að vera í klóm markaðsins !!

Löngu tímabært !!

Loksins, loksins.  Það er ekki spurning að ef þessu hefði verið öfugt farið væri löngu búið að breyta þessu,- og eiginlega alveg einkennilegt hvað þær mætu konur sem gengt hafa þessum embættum hafa sætt sig við þetta starfsheiti.  Eins og réttilega hefur verið bent á var umbreytingin frá hjúkrunarkonum í hjúkrunarfræðinga snögg, sem og flugfreyjur í flugþjóna og skúringakonur í ræstitækna.  Meira að segja ráðherrafrú varð að maka ráðherra með hraði þegar karlar voru makar ráðherra.  Hipp,hipp húrra.

En ég hef svosem enga frumlega tillögu, í augnablikinu dettur mér bara í hug ráðfrú, eða þá ráðstýra og ráðstjóri eða eins og einn bloggari benti á ráðynja.  Líklega væri þó best að fá alveg nýtt orð og sleppa þessu ráð-dæmi bara alveg og taka upp hlutlaust orð.  Verst að Jónas Hallgrímsson nýyrðasmiður er ekki lengur meðal vor, honum hefði sjálfsagt dottið e-hvað snjallyrði í hug.

Vill nýtt starfsheiti fyrir ráðherra

Sniðugt !!

Þetta er nú afar sniðugt kerfi.  Hægt er að fá bæði bílastæðisklukku sem límd er í gluggann á bílnum og líka klukku sem sett er við framrúðuna þegar bílnum er lagt við stæðin.  Ég hafði ekki svona álímda klukku fyrst heldur lausa.  Skildi síðan ekkert í því að klukkurnar voru alltaf að hverfa og ég var í því að spæna inn í banka að ná í nýja lausa klukku.  Það var ekki fyrr en Bogi sagði við mig einn dag,- ertu að safna klukkum,- sem ég uppgvötaði að minn snyrtilegi maður skellti klukkunum upp í sólskyggnið.  Þegar betur var að gáð voru þær orðnar 5 þar.  Þannig að ef þið komið í heimsókn til mín, þá á ég nóg af lausum klukkum,- enda búin að fá mér eina fasta núna.

Færri stöðumælasektir á Akureyri með nýju kerfi

Óbeisluð fegurð

Hún brást nú ekki væntingum mínum þessi stórmynd sem sýnd var á RUV í kveld.  Brosið er fast á andlitinu á mér og gleðin í hjartanu.  Þetta var sko alvöru mynd um alvöru fólk.  Hún Matthildur Helgadóttir er ein af forsprökkurum keppninnar og ein af aðalkarakterum myndarinnar er bloggvinur minn og þið ættuð nú að kíkja á síðuna hennar, sjá má linkinn neðar og til vinstri  ;)

Ég gerði nú lítið annað í dag en að horfa á fólk sem ég þekki í sjónvarpinu og að keppa semsagt,- Eva konan hans Kjartans Jóhannssonar ( Guðnýjarsonar-systursonur minn) var í 2ja tíma dagskrá á Skjá 1 í dag ( og gærkveldi en þá var ég ekki heima) og gerði sér lítið fyrir og vann Icefittnes, töggur í stúlkunni get ég sagt ykkur.

Ég þarf nú að stefna að þátttöku í e-hverri svona keppni,- hvort ætti ég að velja fittnes eða óbeislaða fegurð ??

Þjóðverji eina kveldstund

Föstudagskveldið var þýskt hjá mér og stöllum mínum í klúbbnum Aftanroða.  Þar að leiðandi voru eingöngu þýskættaðir drykkir og réttir.  Við átum þýskt biskupabrauð, Kalter Hund köku og mjög þýskar snittur.  Það var ekki auðvelt í svona léttvínsklúbb að finna rauðvín frá Þýskalandi.  Ég var búin að fara í vínbúðin hér á Ak. og þar var ekkert þýskt rauðvín.  Þá náttúrulega var farið á netið og á vinbud.is og þá kom í ljós að til áttu að vera þrjár þýskar rauðvínssortir í þeim mætu búðum á landsvísu.  Ég arkaði í vínbúðina hér til að gera sérpöntun en þá kom í ljós að einungis ein tegundin var tiltæk, pantaði hana bara þá.  Nóg er þó til að þýsku hvítvíni skal ég segja ykkur.  En á vafrinu um netið fundum við svo flotta flösku af þýskum líkjör ( Killepitsch)  að einni þannig var skellt í sérpöntunina.  Flaskan er bleikari en allt sem bleikt er.  Alveg geggjuð. Og búsið bara nokkuð gott.  Ekkert ósvipað Jagermeister en þó svolítið betra. 

Það er sjálfsagt alveg óþarfi að taka fram að kveldið heppnaðist alveg frábærlega ;)

http://vinbud.is/DesktopDefault.aspx/tabid-54?productID=12027

 

Dásamleg börn !!

Fékk mér kúfaðan disk af fiskibollum og grænmeti í dag og settist með nokkrum kátum krökkum inn í matsal. Einn hafði orð á því hvað ég væri með mikið á disknum !!  Þá sagði annar,- það er nú ekki skrítið, hún þarf nú að borða mikið, hún er í svo erfiðri vinnu !!!

p.s. mér finnst nú vinnan mín bara skemmtileg ;) en gott að hafa ástæðu fyrir græðginni....

Voru þær ekki allar börn??

4-13 ára.  Hvaða þrjár þeirra voru ekki einungis börn ??  Ég er alveg ofan dottin,- samkvæmt mínum skilningi þá eru þær allar börn.  Hafa dómarar e-hverja aðra skilgreininu á börnum en við hin ?  Algjörlega til háborinnar skammar þessi dómur.  Ég veit e-lega ekki hvað dómstólar eru að fara....og get hreinlega ekki skilið það.

Jæja já !!!

Ein rannsókn sem segir þetta,- en hvað með allar hinar sem segja hið gagnstæða.  Og hvað með þá foreldra og þau börn sem hafa upplifað annað?

 Mitt mat og mín reynsla er að best sé að hafa lyfja- og atferlismeðferð saman.  Rétt eins og það er ekki nægjanlegt fyrir sykursjúka að taka insulin heldur þurfa þeir líka að breyta mataræði er yfirleitt ekki nóg fyrir adhd-börn að taka ritalin heldur þarf líka atferlismeðferð,- og rétt eins og það að breyta mataræði fyrir sykursjúka er yfirleitt ekki nóg heldur þurfa þeir líka að taka insulin þá er atferlismeðferð fyrir adhd- oft ekki næjanleg heldur þarf lyf líka.

En auðvitað er gott að fá rannsóknir inn,- en ekki gleyma að þetta er ein rannsókn en við höfum tugi/hundraða rannsókna sem segja hið gagnstæða.

Reyndar finnst mér athyglisvert þetta með að lyf gefi góða raun á fyrsta ári!!  Oft þarf að ná þessum krökkum "niður" til að geta hafið atferlismeðferð,- eins og þunglyndislyf þarf á þunglyndissjúklinga til að byrja með til að geta farið að vinna með þá á ýmsan annan hátt !!!

En Conserta og PMT-atferlismeðferð hefur verið besti vinur okkar foreldrana á mínu heimili ;) Gætum án hvorugs verið.

Segja lyfjagjöf við ofvirkni gagnslausa