stigbreyting !!

Hlustaði á handboltakappa hjá FH- við höfðum bara meira gaman af þessu ....sagði hann,- meira gaman !! mér finnst að hann hefði frekar átt að segja,- það var skemmtilegra hjá okkur.  Hlustaði líka á nokkra fyrirlestra á ráðstefnu á föstudag og laugardag og tók eftir þessu notkunarleysi á miðstigi lýsingarorða.  Þeim þykir meira vænt um.....betra væri að segja þeim þykir vænna um. Ég varð meira dugleg......auðvitað á að segja duglegri.  Þetta eru líkast til áhrif úr ensku....more this and that !! 

Mér þætti betra ( gott-betra-best) og réttara ( rétt-réttara-réttast) að nota hina íslensku stigbreytingu í talmáli okkar !!   ( það yrði svo miklu meira gaman !!! )

 

Athugasemdir

[Oddur Helgi Halldórsson, 9.11.2008 kl. 23:35]

Hvort ég er ekki sammála þér. Oft þvælir það fyrir mért hvurs lags "puritani" ég er í íslensku.

[Esther Ösp Gunnarsdóttir (IP-tala skráð) 10.11.2008 kl. 14:05]

Ég er sammála þér, þetta er að verða leiðinlega áberandi í máli margar.

Það er spurning samt með fyrsta dæmið. "Að hafa gaman af" er náttúrlega fast orðasamband fyrir utan það að "gaman" er ekki lýsingarorð.

[Jóna Björg (IP-tala skráð) 10.11.2008 kl. 15:20]

Fátt fer eins mikið í taugarnar á mér og málvillur !

Þar sem ég var orðin uppiskroppa með lesefni þá keypti ég mér einn kiljupakka  ( með ástarsögum ) í Bónus fyrir helgina, og ég er bara búin að vera að farast úr pirringi við lesturinn það er alveg fáránlegt hvað margir þýðendur eru lélegir í sínu eigin móðurmáli ! Í setningunni : það er eins og sé að koma rigning, stendur ER í staðinn fyrir SÉ......og í setningunni : Hann hélt að hann væri fótbrotinn, stóð VAR í staðinn fyrir VÆRI .

Það verður örugglega ekki splæst í svona bókmenntir hér á næstunni !

[Guðný sys (IP-tala skráð) 10.11.2008 kl. 23:36]

Þetta er yndislegt!!!! Sko "Það var sagt mér"Sko"Það var hrint mér"Sko "Það var strítt mér" Gæti gargað þegar ég heyri svona ambögur. Geri það reyndar á hverjum degi og er í því að leiðrétta. Hvað er að ??????!!!!......   Kv Guðný sys.