Kaffi og te

Drekk bæði kaffi og te.  Byrja flesta daga á að þreifa mig að kaffikönnunni til að setja hana í gang ( einu sinni átti ég svona tæmer á hana,- hmmm. kannski til ennþá ) og er ekki almennilega vöknuð fyrr en fyrsti sopinn er í höfn og hríslast um æðar.  Drekk síðan kaffi allan liðlangan daginn,- einmitt, liðlangan daginn. Þegar líður nær kveldi skipti ég yfir í te.  Ekkert Melróses fyrir mig þó, heldur koffinlaus jurtate.  Það er til að ég nái að sofna á skikkanlegum tíma en verði ekki andvaka eftir allt kaffiþambið. 

Í dag þegar ég kom heim úr vinnunni voru tveir bollar á borðstofuborðinu.  Einn hálffullur af köldu kaffi, merki þess að ég hafi verið svoldið sein fyrir í morgun,- hinn með lufsulegum tepoka í.  Ég tók báða bollana, gekk að eldhúsvaskinum og opnaði ruslaskápinn.  Setti tepokann í vaskinn og hellti köldu kaffinu í ruslið !!!!!

Athugasemdir

[Steinvör (IP-tala skráð) 9.11.2007 kl. 01:03]

Var mikið að gera í dag ?

[Jóhanna H (IP-tala skráð) 9.11.2007 kl. 19:59]

Jæja mín kæra, þú hefur heldur betur ruglast en það getur komið fyrir besta fólk.

Kveðja norður. 

[Guðrún S Sigurðardóttir, 10.11.2007 kl. 10:40]

Æ, hvað mér finnst notaleg svona saga. Ég veit þá að ég er ekki eini rugludallurinn. Þú komst mér til að hlæja upphátt hérna ein við tölvuna. Hafðu það gott í dag, mín kæra!

[Anna (IP-tala skráð) 11.11.2007 kl. 09:56]

O, þetta gerist greinilega á bestu bæjum, andaðu djúpt og drekktu meira te og minna kaffi, Jens þarf reyndar að íta á takkan sjálfur en hans heittelskaða er ávallt búin að gera maskínuna klára svo hann þurfi nú ekki að hugsa of mikið svona snemma morguns. Kær kveðja norður úr Álfabrekkuni.