Haustið....

...gjörsamlega umlukti mig um helgina.  Var í algjöru letikasti,- slæptist um húsið, komst með erfiðismunum út í búð,- nei alveg rétt, fór ekkert í búð ( þess vegna var mjólkurlaust í morgun) og bara svona hékk. 

Svona helgar eru náttúrulega alltof fáséðar, dásamlegar og yndislegar. 

Afrekaði þó að kenna Lúkasi tveggja manna vist,- hei, hó, búin að eignast meðspilara.  Það hitnaði heldur betur í spilunum á laugardagskveldið.  Man ekki hvort vann ( svona í heildina).

Byrjaði sunnudaginn á messu  í Akureyrarkirkju, þar sem Kolfreyja söng í barnakórnum. Ætlaði síðan að enda sunnudaginn í messu í Akureyrarkirkju um kveldið en þar sem minn ektamaður kom fyrr í land en áætlað var og beint í flug norður þá tók ég hann framyfir börn regnbogans og sótti hann á flugvöllinn á þeim tíma.  Hitti hommana bara seinna ;)

Athugasemdir

[Guðmundur Bergkvist, 24.10.2007 kl. 13:06]

Hva, eru hommarnir farnir að halda messur eða var sérstök hommamessa í Akureyrarkirkju?

[Tinna Hrönn (IP-tala skráð) 24.10.2007 kl. 19:16]

Hó hó! Auðvitað tekurðu Bogann fram yfir hommana og það eru sko engir fordómar :)

Er að vinna í nýrri síðu, mátt alveg kigga! :)

[Þórhildur Helga Þorleifsdóttir, 24.10.2007 kl. 20:13]

Já Beggi minn,- messan sem ég ætlaði í var svona regnbogamessa,- í samvinnu Samtaka 78 og Akureyrarkirkju.  Svona hommamessa á Akureyri ! Hér eru allir svo líbó,- líka prestarnir ;)