Snjókorn....

....falla fyrir utan gluggann minn.  Ekki laust við smá jólafíling og ??? hvenær opnar í fjallinu. Kannske kona fari að finna til skíðagræjurnar ;)

Stúmm....

Ég var barasta alveg stúmm í morgun,- það var eins og að styrjöld væri að bresta á !!  Næturfundir og leynifélagið á fullu. ???? við hverja er verið að berjast..........var ekki kóngurinn í Seðló búinn að hóta að knébeygja Baugsmenn sem ku eiga stóran hlut í Glitni ( eða altsvo áttu áður en ríkið kom til "hjálpar"). 

Mikið er ég fegin að hafa ekki átt krónur afgangs til að fjárfesta í hlutabréfum,- allt undir koddanum hjá mér !!!

mömmu hús

Húsið hennar mömmu hefur fengið nýja eigendur.  Nú á ekki mamma mín það heldur sonur minn ( og tengdadóttir auðvitað).  þau eru flutt og Patrekur Jóhann sonur þeirra alsæll að vera í ömmuhúsi.  Þórhildi Lottu á örugglega eftir að líða vel þarna líka.  Þessi mynd er tekin út á altani í mömmuhúsi sumarið 2007- þarna voru Kjartan Þór og familí í heimsókn hjá ömmu.  Skondnar brautir lífsins stundum ;)

Glæsileg og tímabær...

...ræða hjá ráðfreyju félagsmála.  Hvet  ykkur til að lesa ræðuna í heild sinni ;)

Þjónustu við börn með athyglisbrest áfátt

Morgunstund....

...gefur gull í mund.  Eða amk. gleði á heimili.  B-ið ég og mín b-börn höfum farið að sofa nokkuð snemma þessa vikuna.  Þau kl. 21 og 21:30 og ég hef skriðið upp í ja...fyrir 23, og ekki lesið neitt mikið ( frábær bók þó Laxveiðar í Jemen).  Hef vaknað 6:30 þessa vikuna og í rólegheitum sturtað mig, sturtað í mig kaffi, kíkt í fríblöðin bæði ( sem eru borin út hér á Akureyrinni), smurt nesti fyrir börnin, vakið þau  ( ótrúlega blíðlega) upp úr kl. 7, eldað hafragraut fyrir frökenina og hellt kornflexi á disk sonarins, blásið hárið, málað mig og klætt.....allt fyrir kl. 8 og ekki í hendingsstresskasti.  Hef haft tíma til að knúsa þau bless áður en þau fara af stað í skólann sinn og ég síðan í mína vinnu. 

 Eigum við e-hvað að veðja um hvað þessi sæla endist lengi ???

leikskólinn...

Ég þurfti nú einu sinni að fara til leikskólstjóra sonar míns og óska eftir því að hann, þá fjögurra ára yrði hvorki bitinn né laminn af starfsfólki leikskólans !!  Auðvitað hefði ég átt að gera miklu meira úr þessu, þetta var nú árið 2001. Ein starfskonan kom alveg miður sín til mín og sagði mér að hún hefði misst sig við drenginn minn þegar hann var í óþekktarkasti og lamið hann í hendurnar.  Nokkrum dögum seinna kom önnur starfsstúlka til mín og sagðist hafa bitið hann,- " hann var að bíta hina krakkana og ég beit hann bara svo hann lærði að hætta þessu !! "  Þá fór ég til leikskólastjórans......

Hann var ekki bitinn né laminn aftur af starfsfólkinu þarna, en um þetta leyti kom fyrsta adhd-greininginn á stubbinn minn. 

Móðir dæmd fyrir að bíta son sinn

Bros

Ritarinn í vinnunni minni er góður hagyrðingur.

 Ég fékk þessa yndislegu vísu frá henni áðan;

Með brosi byrjaðu daginn í dag

með brosinu kemurðu öllu í lag.

Ef lífinu tekur með léttum brag

þá líklega gengur þér allt í hag.

Dularfullt !!

Safnaði Dularfullubókunum sem barn !! en ég ætla svosem ekkert að fjalla um þær hér.  Heldur það dularfulla sem umvefur mig í daglegu lífi.  Hið fyrsta er náttúrulega dularfulla sokkahvarfið,- alveg stórmerkilegt hvað alltaf er mikið magn af stökum sokkum í skápum þessa heimilis !! 

Og hitt er dularfulla tölumálið.  Í hvert sinn sem ég fjárfesti í skyrtu þá þarf ég að setjast niður með nál og tvinna og festa allar tölurnar betur.  Held þetta sé ekki tengt því að ég sé neitt brjóstastór, eða að ég sé að kaupa of litar skyrtur.  Eftir að ég er búin að festa hvurja tölu,(- og trúið mér, orðið pirrandi þegar kona þarf að setja upp gleraugun sakir aldurs við nálarþræðingu)þá hanga þær á til eilífðarnóns,- með sívaxandi fjölda skyrtna í skáp mínum.  Það sem mér finnst líka enn dularfyllra er að það virðist ekki skipta máli frá hvaða verslun skyrtan er,- var í kveld að festa tölur á skyrtur úr Hagkaupum ( svört,glansndi og ferlega smart) og líka á skyrtu sem átti að kosta formúgu enda Boss ( brún, mött og ferlega smart) .  Boss-skyrtuna fékk ég reyndar á útsölu þannig að kannske hefur verslunarfólkið losað um tölurnar fyrst skyrtan var komin vel niðurfyrir 12000kallinn. 

En semsagt- skil ekkert í þessu dularfulla máli og næst fæ ég mér skyrtu með smellum ;)

Falleg börn

Þetta er ekki Elli afi,- heldur Lúkas Björn Bogason ;)

 

 

 

 

Og þetta er ekki ????? heldur Kolfreyja Sól Bogadóttir

Hvort er nú betra?