Króksmót

Við Kolfreyja fylgdum Lúkasi á Króksmót um helgina.  Alltaf gaman á Króksmótum,- en aldrei þessu vant varð tjaldvagninn eftir heima og við renndum yfir Þverárfjall að morgni og kveldi og gistum hjá tengdó.  Mér fannst það nú frekar fúlt svona fyrri daginn að vera ekki í tjaldi altsvo,- tengdó eru alveg stórfín sko,- en í dag þegar liðið var að pakka saman var ég afskaplega fegin að setjast bara inn í bíl og bruna heim.  Lúkasi og félögum gekk alveg þokkalega,- amk höfðu þeir gaman af,- er þetta ekki það sem á að segja þegar lið lendir í 11 sæti .  Síðan var tóm gleði og hamingja í kveld þegar við fórum á flugvöllinn og sóttum bóndann sem var að koma af sjónum,- já með flugvél, þið lásuð rétt  !! Notalegt líf semsagt framundan næsta mánuðinn eða svo................

Til Gunnu !!

Kæra Gunna.  Ég skil bara ekkert í því að þú kunnir ekki að sulta kirsuberjatómata ;) Hélt að hver og einn einasti fullorðinn einstaklingur á Íslandi kynni þetta,- já og jafnvel yngri og ekki á Íslandi.....hrrrpmmm

Slatti af kirsuberjatómötum  t.d. ein askja,- skera þá í tvennt og raða þeim í eldfast mót og krydda með dassi af flórsykri, hvítlauksolíu, salti og pipar.  Skellt í 160 gráðu heitan ofn í ca 6 mín,- til eða frá nokkrar,- aðallega til þó.  Kippa tómötunum út, píska þá saman og saxa niður basiliku og strá yfir.  Volla.....hrikalega gott semsagt með neðangreindum skötusel ;)

Hvunndagurinn !!

Og þá er hann brostinn á að nýju,- hinn venjubundni hvunndagur með öllu sínu amstri og stússi og skemmtun.  Kona var nú hálfryðguð í vinnunni í morgun .  Fyrsti klukkutíminn fór í að ræsa tölvuna og henda út óþarfa pósti,- og að reyna að muna þær ákvarðanir sem teknar voru fyrir sumarfrí.  Heilinn held ég enn á hálfum gangi, ætli þetta fari ekki svona þegar hann er settur á hóld í mánuð ?  Vonandi dugar vikan til að endurræsa.................og uppfæra

Ummmmmm...

var að leggja skötusel í marineringu a´la Steinvör.  Ólífuolía, limesafi,sítrónusafi og massi af hvítlauk !!  Síðan fer þetta á grillið á eftir,- eða í ofninn og marineringin fer í pott með böns af smjöri og síðan settur kóriander rétt í restina.  Með þessu ætla ég að gera sultaða kirsuberjatómata,- hljómar þetta ekki girnilega !!

Verslunarmannahelgin í ár hefur einkennt af matargerð og rauðvínsdrykkju!!  Góðir vinir úr Reykjavíkinni í heimsókn og þar sem við erum öll mikið matfólk þá hefur ríkt tóm gleði yfir pottunum.  Geggjaður kjúlli á föstudag, læri í gær og frönsk súkkulaðikaka og síðan fiskur í dag!! 

Hent út...

Þar sem ég er í hinum gríðarlega kostablóðflokki O- þá fór ég einu sinni til að gefa blóð,- sá fyrir mér að blóð mitt myndi bjarga fjölda kven- og mannslífa.  Mér var hent öfugri út takk fyrir,- í fyrsta lagi þá er ég með berklabakteríuna í mér ( mótefni sem sprautað var í mig að mér forspurðri nýfæddri), í öðru lagi er ég með asperín ofnæmi,- í þriðja lagi var ég nýbúin á penisilínkúr þegar ég ætlaði að gerast hetja og í fjórða lagi var ég með afskaplega lágan blóðstatus á þessum tíma.  Þetta var nú svekkjandi og þó svo að blóðstatusinn hafi farið heldur upp á við og penisilín ekki komið inn fyrir mínar varir í mörg ár þá er berklabakterían og asperínofnæmið enn til staðar.............þannig að ekki bjarga ég lífum með því að gefa blóð,- fúlt !!

Blóðbankinn kallar eftir O mínus

Búin....

...að kaupa þvottavél,- þannig að það stefnir í stórþvott um helgina   Líka búin að fara í Bónus,- ligga,ligga lá,- svoldið troðið en ég lifði af.  Lenti á hinum stórskemmtilega Jónasi afgreiðslumanni,- alltaf svo jákvæður og hress,- kemur með skemmtileg komment á innkaupin eins og... þú græðir nú á þessum kjúklingakaupum,svaka afsláttur.  Og svo í lokin segir hann alltaf...þetta gerir aðeins 14232 krónur eða hver sem upphæðin er.  Við erum nú bara farin að spjalla eins og bestu kunningjar og í dag áttum við spjall um umhverfishugsun,- hann er farinn að prenta báðum megin á kvittanir og ég set ávexti og grænmeti ekki í þunnu pokana, heldur hrúga öllu í körfuna og set síðan allt í einn poka.  Gaman að þessu og síðasta helgi í þessari sumarfríslotu framundan.  Verður það ekki tómt tjill og gleði ???

Klukk....

Sissa klukkaði mig og þar sem séra Baldur segir að það sé nú e-lega einelti að svara ekki klukki,- lítið verra en að vera ekki klukkaður þá ætla ég að svara klukki Sissu. 

1.  Fór aldrei í Klukk þegar ég var krakki,- bara í Tikken,- sem er held ég alveg eins og Klukk en bara sagt Tikken þegar er náð.....

2. Ég á við íþróttameiðsl að stríða núna,- hægri únliður hefur enn ekki jafnað sig eftir blakmeiðsl síðan í hittifyrra................og skúringar framundan...

3. Ég er sem sé að fara að skúra...

4. ...en nenni því varla og þess vegna sit ég hér og svara klukki......

5. Ég þvoði mér í framan með sítrónusafa ótal oft þegar ég var yngri að árum,- til að losna við freknurnar,- þeim hefur þó bara fjölgað.

6. Ég er manneskja öfganna, svona stundum, elska að vera ein upp í fjalli eða niðrí fjöru en elska líka að vera á djamminu með fullt af skemmtilegu fólki eða í mannhafi í stórborg.

7.  Mér finnst matur góður,- þetta kemur mörgum örugglega gríðarlega á óvart !!!

8. Oft finnst mér ég vera alveg orkulaus,- amk. þessa dagana....................þarf að fara að hlaða ;)

 

Og hverja á ég svo að klukka,- eða Tikka...........Valdimar,- Svava,- Kristján Möller,- Ástu Hlín í Argentínu,- Kristrúnu frænku,- Jóhönnu Hauks, Gunnu Gunnars og Önnu Pálu.

 

Þvottavél

Svei mér þá ef það er ekki full vinna að finna þokkalega þvottavél fyrir heimilið !!  Rétt fyrir ferðalögin miklu þá gaf sú gamla upp tromluna.....og ég er búin að níðast á vélinni hjá Höllu og Andra svona á milli ferðalaga.  En fór nú af stað í dag til að finna mér nýja, fína þvottavél.  Búin að fara í held ég allar búðir sem selja svona þarfaþing hér á Akureyrinni !!  úrvalið er nóg og gæðin mikil, amk. segir sölufólkið það.  Reyndar finnst mér sölufólkið almennt ekki vita baun í bala um vélarnar sem það er að selja, svona oftast.  Í einni búðinni vissi afgreiðslumaðurinn ekki einu sinni að það ættu að vera tilboð hjá þeim fyrr en ég fletti upp í Dagskránni og sýndi honum.  Svo þegar ég innti hann eftir hvert tilboðið myndi þá vera, þá svaraði hann...við finnum e-hvað fínt verð á þetta !!  Jó, hó,- skynsemdarhúsmóðir eins og ég lætur nú ekki draga sig svona á asnaeyrunum.  Síðan er það þetta snúningadæmi,- 800.1000,1200,1400,1600..............til hvers ? annars en að eyðileggja þvottinn hreinlega !!  Mér finnst síðan sölufólkið segja mjög lítið af fyrra bragði, svona þegar ég er búin að finna það, svarar bara því sem ég spyr um og held ég alltaf jákvætt.  Heyrði amk lítinn mun á svörunum hvort sem vélin kostaði innan við 30 þúsundkalla eða um 100 þúsund kalla, það var reyndar helst að það munaði e-hverjum snúningum...............jó, ég ætla nú ekki að dansa polka við þessa vél.