Sérstakt !!

Það er óneitanlega töluvert sérstakt að fara í gegnum dótið hja m+p, en við systkinin erum í því þessa dagana.  Tökum okkur góðan tíma enda eiga þau það skilið elsku mamma og pabbi að við berum virðingu fyrir dótinu þeirrra.  Ótrúlegt en satt,- þá erum við búin að skipta bókunum upp.....og mesti fjársjóðurinn er auðvitað bækurnar sem pabbi batt inn sjálfur á sínum tíma.  Á milli gamalla jólakorta leynast líka kort og bréf frá okkur börnunum til þeirra í gegnum tíðina,- og kort og bréf frá þeim til okkar.  Er t.d. komin með kort sem pabbi sendi mér þegar ég var í sumarbúðunum á Eiðum 10 ára og hann staddur í Ammeríkunni. 

Allt fullt af minningum, tárum, sorg og trega.........en líka gleði og ánægju yfir góðri bernsku og hamingjusömu lífi mömmu og pabba. 

Athugasemdir

[Tinna Hrönn (IP-tala skráð) 24.7.2008 kl. 00:57]

Ég trúi því vel að það séu ýmsar tilfinningar sem brjótast út við að fara í gegnum þetta allt saman. Vonandi standa góðar minningar þúsund sinnum framar en aðrar  Knús á þig væna mín og nú tölum við frönsku í firðinum fagra! "Sju temm, mademosel, ví ví, bonsjor vúlevú!"

[Ingibjörg Margrét , 24.7.2008 kl. 09:46]

Já, það fylgir því allsérstök tilfinning að leysa svona upp æskuheimili sitt. Ég hef gert þetta bæði eftir foreldra mína og tengdaforeldra og þekki tilfinninguna - einhvern veginn svo mikill lokapunktur. Mikilvægast finnst mér að ná að gera þetta af virðingu fyrir öllu og öllum og það auðnaðist okkur að gera í bæði skiptin hér á bæ.

Gangi ykkur vel.