Fló á skinni

Ég var svo einstaklega heppin að vera boðin í leikhúsið í gær.  Fór í betri fötin, skildi Boga eftir heima með börnin og matarundirbúninginn og skeiðaði í leikhúsið með fjallmyndarlegum manni !!  Húha.  Fló á skinni er náttúrulega farsi og því væntanlega alltaf hægt að hlægja almennilega.  En ég held að það sé ekkert sjálfgefið að það sé jafnskemmtilegt og það er í þessari uppfærslu LA.  Það er valin manneskja í hverju hlutverki.  Guðjón Karl algjörlega óbetranlegur sem Jóhannes og Klemmi,- frábær leikari.  Hann sló líka alveg í gegn hann Hallgrímur Ólafsson í hlutverki Jóhanns S,- og Kristín Þóra Haraldsdóttir var frábær sem nýbúinn Tína.  Ég var samt pínu stund að fara í gang með hláturinn,- en mæ ó mæ þegar ég byrjaði.  Hló svo að tárin runnu og málingin út um allt ;)

Mæli semsagt eindregið með þessari uppfærslu LA á Flónni................allir í leikhúsið.

Athugasemdir

[Hafdís Rut (IP-tala skráð) 24.2.2008 kl. 12:08]

Ætli þetta sé ekki leikritið sem kennararnir hér á Fásk ætla á helgina 11 til 13april,. Held það.

[Ingibjörg Margrét , 24.2.2008 kl. 13:30]

Við hjón eigum einmitt pantaða miða, ásamt góðum vinum sem búsettir eru norðan heiða, að kvöldi skírdags. Mikið hlakka ég til.