Lúkasar kjúlli

6.11.2007 | 01:02

Lúkas minn sver sig í ættina og hefur unun af mat og matargerð. Hann sver sig líka í ættina og heldur mikið með Arsenal. Og stundum fara þessi góðu áhugamál saman. Amk kom drengurinn í gær með uppskrift sem hann fann í Arsenal blaði. Rob the Chef´s recipe of the month. Og vildi endilega að við prufuðum hana.

Get sagt ykkur að þetta var góðgæti hið mesta, og fljótlegt í eldamennsku, en fljótlegheitin voru kannske vegna þess að Lúkas kokkaði með mér og Kolfreyja lagði á borðið.

Kjúklingabringur skornar í strimla,- ( ég keypti nú bara tilbúna og fulleldaða). Kjúllinn steiktur á pönnu í olíu og slatta af vel söxuðum hvítlauk. Svartar ólífur út í, sólþurrkaðir tómatar, ferskt basil og alveg dágott magn af spínati. ( s+p að sjálfsögðu og dass af sítrónusafa yfir í lokin.)

Með þessu var að sjálfsögðu hvítlauksbrauð og tómatasalat ( tómatar, rauðlaukur,steinselja,klettasalat, fetaostur og ristaðar furuhnetur.

Og börnin borðuðu af bestu lyst.........

Flokkur: Bloggar | Facebook

Athugasemdir

Alltaf jafn mikið matarfólk í þessari fjölskyldu Held þið ættuð að finna eitthvað nafn á húsið sem tengist mat

kærar kveðjur frá Fásk

Óla Maja (IP-tala skráð) 6.11.2007 kl. 15:08

mmmmmm maður verður bara svangur.. girnileg uppskrift. Já hvernig væri að nefna húsið eftir mat.. fullt hús matar... Egg! Bestu kveðjur á Eyrina af Ströndunum:o)

Ragna Popparadóttir (IP-tala skráð) 6.11.2007 kl. 16:08