Blátt, bleikt eða bara fjólublátt???

Nú er ein kreðsan enn í hausnum á mér.  Ólík sjónarmið stangast á,- en þó eru þau svo lík.  Málið er að einn enskukennari í skólanum óskar eftir því að skólinn gerist áskrifandi í smátíma að ensku fótboltablaði.  Mér fannst það hið besta mál ( enda sonur minn orðinn vel enskulesandi af umræddu blaði), þá kom annar kennari og benti á að þarna myndi nú halla á stúlkurnar,- þær hefðu mun minni áhuga á fótbolta en strákarnir.  Hmmmm,- alveg rétt, bæði eru færri stúlkur með áhuga á fótbolta og síðan eru ekki umfjallanir um kvennabolta í umræddu blaði.  Nú var ég komin í flækju,- já og að hvaða blaði eigum við þá að gerast áskrifendur fyrir stúlkurnar,- unglinga-e-hvað, tíska,fína og fræga fólkið- eða hvað.  Þar er nóg af umfjöllun um kvenfólk og þær hafa margar áhuga á því.

Kommon,- nú var allt komið í kreðsu,- erum við ekki að horfa of mikið á staðalmyndir hér.  Gerum ráð fyrir áhugamálum beggja kynja,- og festum við þá bara ekki staðalmyndirnar enn betur í hausnum á börnunum.  Og síðan á móti,- hvað er betra í námi en að nýta sér áhuga þess sem nemur,- að læra í gegnum áhugamál er geggjað.  Og eitt enn,- eigum við að finna e-hvað blað sem við gerum ráð fyrir að höfði til beggja kynja,- eða bara sleppa áskriftinni og halda okkur við kennslubækurnar !!

Það er enn allt í kreðsu,- ég aðhyllist held ég öll sjónarmiðin,- held við verðum bara áskrifendur af fjallgöngutímariti...................

Athugasemdir

[Guðfinna Kristjánsd (IP-tala skráð) 28.8.2007 kl. 20:30]

Taka bara reynsluáskrift að nokkrum blöðum- í mánuð- skrá þau inná bókasafnið - þá sést hver eru vinsælust- kaupa þau! 

Kveðja úr blíðunni og berjun á Fásk. 

[Jónína Rós Guðmundsdóttir, 28.8.2007 kl. 22:13]

Einstaklingsmiðun manstu, það gætu verið stelpur uppfullar af áhuga á fótbolta og strákar á tísku svo ég styð hugmynd Guðfinnu, prófa bara sem flest blöð.  Fæ alls konar hugmyndir...., hægt væri að endurskrifa greinar með kvennaknattspyrnuívafi...., gangi þér vel í skólastarfinu

[Ég sjálf (IP-tala skráð) 5.9.2007 kl. 12:01]

Valdi minn.  Tókstu ekki eftir því að ég var í kreðsu með þetta?? þannig að kynjajöfnunarhlutfallahugsunin var í rugli eða þannig og líka kynjastaðalmyndahugsunin ( mikið eru þetta einföld og skemmtileg orð;).

Skólinn er orðinn áskrifandi,- notum ráð Jónínu og krakkarnir endurskrifa greinar og setja inn nýjar myndir og allt................allir orðnir rosalega góðir í ensku ;)